رياضة

1854

تسريب مكالمة هاتفية يشعل الاتحاد المصري لكرة القدم

اشتعلت الأمور داخل اتحاد الكرة المصري بعد نشر جريدة "الأهرام المسائي" نص مكالمة هاتفية بين مسؤول في لجنة الحكام وعضو مجلس إدارة في الاتحاد تم الحديث فيها عن تعيين حكم بعينه خوفا من رئيس نادي الزمالك.

وأعفى الاتحاد رئيس لجنة الحكام وجيه أحمد من منصبه وتم تعيين احمد الشناوي في اجتماع عاصف اليوم كما يترقب الجميع خاصة النادي الأهلي مصير التحقيقات في هذه التسريبات.

ونشرت جريدة الأهرام المسائي في عددها اليوم الثلاثاء، صفحة كاملة نشرت خلالها موضوعًا بعنوان: "انفراد..المكالمة التي ستهز عرش الجبلاية !"، ويشير الموضوع إلى تفاصيل مكالمة تدور بين مسئول مهم باتحاد الكرة وآخر بلجنة الحكام حول أزمة نادي الزمالك الأخيرة مع الحكام.

وجاء نص المكالمة كالآتي:

مسؤول بالجبلاية: ها..يا كابتن "أ".. إزيك

مسؤول بلجنة الحكام: الحمد لله يا باشا.. كنا عايزين نتكلم مع حضرتك شوية

مسؤول بالجبلاية: أمرني

مسؤول بالحكام: نقعد مع بعض شوية نشوف هنعمل أيه الفترة الجاية.. والأمور إن شاء الله والدنيا هتتظبط كدا.. والأمور هتبقى كويسة

مسئول بالجبلاية: أنا مسافر للعمرة

مسؤول بالحكام: هتيجي امتى إن شاء الله

مسؤول بالجبلاية: هاجي السبت..هأكون معاك الأحد

مسؤول بالحكام: تقبل الله

مسؤول بالجبلاية: هاجي السبت والأحد هأكون معاك..ماتشغلش بالك أنا عارف أن فيه حروب بين المجلس نفسه..وأنا مساند "ج" في قراره "ع" مصر ومتمسك بوجودك (....) اللي أسمه جمال الغندور طبعا عامل يعنى تكتلات علشان يجي..أحمد من ناحية.. كذا عضو كده من ناحية..كابتن حسن فريد النهاردة كلمته ومحمود الشامي وحمادة المصري.. يعنى معانا لوبي فيه 6 أعضاء..بس عايزين المرحلة الجاية ياكابتن "أ" نعديها.. يعنى إمبارح محمد فاروق كان عشرة على عشرة محدش يقدر يتكلم وكلمت رئيس الزمالك قلتله أظن مالكش كلام.

مسؤول بلجنة الحكام: ده طلع مع خالد الغندور قال تحكيم محترم وخالد الغندور قال له.. مش عارف أيه .. والحكاية والرواية والبلاغ اللي أنت مقدمه..قاله الكابتن"..."مالوش دعوة بالرشوة..كابتن"..."متفق مع المجلس إنه هيمشوه في يناير ولكن هو بالنسبة للرشوة هو مالوش دعوة بالرشوة..الرشوة دي كانوا حكام ومتفقين عليا عايزين يحطموا ويخسروا النادي ولكن كابتن"...." مالوش دعوة بالرشوة خالص وهو بعيد عن الموضوع ده.

مسؤول بالجبلاية: تمام..لأ.. هو غلبان خلى بالك يا أستاذ "أ"..أنا لما اتكلمت معاه..أنا قعدت معاه قلت له عشان خاطري..أجيبلك مين؟!..عايز تجيب جمال الغندور يبيعك ولا عصام صيام..ياعم خليك في اللي نعرفه يكفى انك تبقى واحد نضيف..وقلتله بعد إذنك ليك حاجة واحدة قبل الماتش احنا مش هنجيب..قالي أنا مش عايز حد يبقى عليا..قلت له جميل هنجيب لك حكام دوليين محترمين.

مسؤول لجنة الحكام: وأنا جايب له حكم هو بيحبه..وهو مبسوط منه.

مسؤول بالجبلاية: اللي هو مين؟؟ ماتش ايه؟؟

مسؤول بالحكام: ماتش الزمالك والمقاصة..جهاد جريشة

مسؤول بالجبلاية: زى الفل

مسؤول بلجنة الحكام: تمام

مسؤول الجبلاية: مالوش حجة..زى الفل..أحسن كده..متقولش لحد خالص الكلام دا.

مسؤول بالحكام: لأ..أنا بأقول لك أنت بس.

مسؤول بالجبلاية: انت عارف ليه أنا بأسكته بالكلام ده! علشان يبعد عننا.. ما هو خد بالك..هو برضه سم..أنا كده علشان أعرفه اللي بيعمله معاك كابتن "..." مش هيعمله معاك إلا أنت.

اقرأ المزيد

"الشيخ جوعان بن حمد" يتأهب لقيادة دفة الرياضة الآسيوية

على مدى العقد الماضي، رسخ سعادة الشيخجوعان بن حمد آل ثاني، رئيس اللجنة الأولمبية القطرية، مكانة بلاده كقوة... اقرأ المزيد

664

| 24 يناير 2026

انطلاق بطولة الجائزة الكبرى للمبارزة الدوحة 2026

انطلقت اليوم منافسات بطولة الجائزة الكبرى للمبارزة لسلاح الإيبيه للرجال والسيدات الدوحة 2026 والتي ينظمها الاتحاد القطري للمبارزة... اقرأ المزيد

76

| 23 يناير 2026