نفت الفنانة المصرية عازفة الناي ندى سلامة، خبر وفاتها الذي تداولته العديد من الصحف والمواقع الإليكترونية أمس الأحد. وقالت "ندى" عبر صفحتها بالفيسبوك، "أنا ندى ولسه عايشة لو معنى إني بتنفس إني لسه عايشة، يمكن ده هيكون أطول شيء اكتبه ويمكن يكون آخر شيء اكتبه واهتم للناس فأكتبلهم". وأضافت: "أنا حاولت انتحر أكتر من 5 مرات في 3 أيام وكل ده عشان بواجه مشاكل زي اللي الناس بتقابلها، بس المشاكل دي كانت أكبر مني ومكنتش عايزة أورط حد فيها لأنها كلها مشاكل أنا السبب فيها، أنا اللي عملتها بس كنت جبانة إني أواجهها". وتابعت، "الموت شيء عظيم ممكن يخلصك من مشاكلك في دقيقة ويخلي كل الناس تسامحك، بس الغريب هما ليه مهتمين بوجود الجسد كله بيدور حوالين جسدك طول ما جسدك موجود هيكرهوك وأول ما يختفي هيحبوك، إن كان الاعتذار واجب فبعتذر للناس اللي مش مهتمة لوجودك بس أنت اللي تهمهم في أي مكان، هتعامل مع مشاكلي وانهيها واخد فرصة جديدة للحياة في عالم". واستكملت: "وفر أي طاقه تفكير هتفكر فيها عني وعن حياتي أو عن موتي أو عن مشاكلي أو عن علاقتك بيا وفرها لحياتك في العالم، ووفر أي محاولة تواصل معايا حاليًا، أنا شخص غير جيد لأي شيء في الحياة لحد ما ابقي جيدة كفاية لنفسي، إكرهني أو حبني ده مش هيغير شيء في يومك".

توفيت الفنانة المصرية، مريم فخر الدين، صباح اليوم الإثنين، بأحد المستشفيات المصرية، بعد صراع مع المرض، عن عمر ناهز الـ81 عامًا. وقال سامح الصريطي، وكيل نقابة المهن التمثيلية المصرية، إن "أسرة الفنانة الراحلة لم تحدد، حتى الآن، ميعاد صلاة الجنازة أو تلقي العزاء". جدير بالذكر، أن مريم فخر الدين تم احتجازها بالمستشفى منذ فترة طويلة، لإجراء عملية إزالة تجمع دموي من المخ، لكن حالتها الصحية تدهورت بعد إجراء هذه العملية وتم احتجازها بغرفة العناية المركزة حتى وافتها المنية، صباح اليوم. وتجدر الإشارة إلى أن الفنانة المصرية الراحلة ولدت في 8 يناير 1933 في مدينة الفيوم، لأب مصري مسلم وأم مجرية مسيحية، وهي الأخت الكبرى للفنان يوسف فخر الدين، ولقبت بحسناء الشاشة من قبل الإعلام المصري.